Бусадтай хуваалцах
Цэвэршилт гэдэг нь эмэгтэй хүний өндгөвч ‘’үүрэгт ажлаа’’ хүлээлгэн өгөх , үр дүнд нь сарын тэмдэг гэх ‘’ажлын хөлсөө’’ авахаа болих үйл явцыг хэлнэ.
Мэдээж өндгөвчний гүйцэтгэдэг үндсэн үүрэг нь өндгөн эс боловсруулах гэдгийг бид бүгдээрээ мэднэ, тийм ээ?
Тэгэхээр цэвэршилтийг эмэгтэй хүний бие организмыг тэнцвэртэй үйл ажиллагаагаар хангахын тулд өдөр, шөнөгүй бүх хүчээ дайчлан ажиллаж байсан өндгөн эсний үйлдвэр маань ‘’ажиллах хүч дутмаг’’ гэх шалтгааны улмаас хаалгаа барьж байгаатай дүйцүүлж болох юм. Энэ нь ихэвчлэн 45-55 насны хооронд тохиох ба хэд хэдэн үе шаттайгаар явагддаг.
- Цэвэршилтийн өмнөх үе
Энэ нь таны сарын тэмдгийн шинж чанар өөрчлөгдөж эхлэх үеийг хэлнэ. Хоорондын хугацаа нь холдож, хоногийн тоо нь цөөрч, хэмжээ нь багасна гэсэн үг. Мөн яг энэ үед эмэгтэйчүүд маань цэвэршилтийн эхний шинж тэмдгүүдийг мэдэрч эхэлдэг.
Үргэлжлэх хугацаа - 4 жил орчим
- Цэвэршилтийн үе
Хамгийн сүүлчийн сарын тэмдэг ирснээс хойш яг 1 жил өнгөрсөн тохиолдолд л ‘’энэ хүн цэвэршлээ’’ гэж хэлж болно.
Хэрвээ таны сарын тэмдэг 10 сар ирэхгүй байж байгаад 11 дэх дээрээ хүрээд ирвэл үүнийг цэвэршилтийн өмнөх үе үргэлжилж байна гэж ойлгох хэрэгтэй гэсэн үг.
- Цэвэршилтийн дараах үе
Цэвэршилт нь явагдаад дууссан эмэгтэйн үлдсэн бүх амьдралыг цэвэршилтийн дараах үе гэж нэрлэнэ.
Хэрвээ цэвэршилт 40 наснаас өмнө явагдаж эхлэх юм бол үүнийг ‘’хугацаанаасаа өмнө үүссэн цэвэршилт’’ гэж нэрлэдэг ба ийм тохиолдолд заавал эмчилгээ хийлгэх шаардлагатай. Өндгөвч маань цаг нь болоогүй байхад ‘’тэтгэвэр’’-тээ гарах ёсгүй учраас тэр юм. Тийм учраас хэрвээ танд, таны найз, эгч, ээж гээд дотны хэн нэгэнд чинь цагаасаа эрт цэвэршилтийн шинж тэмдгүүд (нүүр халуу дүүгэх, хөлрөх, нойргүйдэх, сэтгэл гутралд орох г.м) илрээд эхэлчихсэн бол эмэгтэйчүүдийн эмчид хандахыг зөвлөөрэй.
Харин зовууриуд яг ямар байдлаар, хэрхэн илэрч болдог талаар бүгдээрээ дараагийн нийтлэлээр танилцуулъя.
Түр баяртай, хүндэтгэсэн Cumlaude Lab Mongolia Team
Өнөөдөр бүгдээрээ энэ долоо хоногийн цуврал постоо үргэлжлүүлье. Өмнөх постоор танилцсан хоёр шинжилгээгээ өгөхөөр явахдаа өнөөдрийн мэдэж авах шинжилгээнүүдээ ч бас хамт өгчихвөл гэмгүй шүү. Умайн хүзүүний эсийн шинжилгээ Умайн хүзүүний хорт хавдар нь эмэгтэйчүүдийн хавдрын шалтгаант нас баралтад тэргүүлэх байр эзэлдэг өвчин. Тийм учраас умайн хүзүүний эсийн шинжилгээ нь бэлгийн амьдралд хөл тавьсан, өөртөө хайртай эмэгтэй хүн бүрийн өгч байх ёстой шинжилгээнүүдийн нэг яах ч аргагүй мөн. ● Шинжилгээг 30 наснаас эхлээд 3 жил тутамд нэг удаа өгч байгаарай. Цусан дахь сахарын хэмжээ Хэрвээ танд чихрийн шижин үүсэх эрсдэл байгаа бол цусан дахь сахарын хэмжээг биохимийн шинжилгээний тусламжтайгаар тогтмол хянаж байх хэрэгтэй шүү. Чихрийн шижин ‘’өвддөггүй’’ болохоор оношлогдохгүй удах, түүнээс болж хүндрэлүүд нь эрт үүсэх магадлал өндөр байдаг. Тийм учраас үүнийг анхаарахгүй орхиж яавч болохгүй байх нь. ● Чихрийн шижин үүсэх эрсдлийг нэмэгдүүлэгч хүчин зүйлс - илүүдэл жин, хөдөлгөөний дутагдал, артерийн даралт ихсэх өвчин, удамшил, нойр булчирхайн үрэвсэл г.м Дараагийн нийтлэл хүртэл түр баяртай, хүндэтгэсэн Cumlaude Lab Mongolia Team 💌
Эрүүл мэнддээ анхаардаг, элдэв өвчнийг үүсэхээс нь өмнө урьдчилан сэргийлдэг, өөрийгөө, өөрийнх нь төлөө өдөр шөнөгүй ажиллаж буй хөөрхөн биеэ хайрлаж халамжилдаг эмэгтэй таньтай сumlaudelab дараагийн цуврал нийтлэлүүдээрээ уулзаж байгаадаа туйлын баяртай байна. Өнөөдрийн постоороо хэдүүлээ хамгийн энгийн юм шиг хэрнээ их том ач холбогдолтой 2 шинжилгээний талаар ярилцацгаая.- Цусны дэлгэрэнгүй шинжилгээ Бүсгүй минь таны үзэсгэлэнт царай цонхийж цайгаад, огцом хөдөлгөөн хийх тоолонд толгой эргэн ганхаад, зүрх байн байн савлаад, юм л бол ядарч, юу ч хийгээгүй байхад л бие сульдаад нэг л таагүй мэдрэмжүүд ар араасаа хөврөөд байгаа юм биш биз? Хэрвээ тийм бол хамгийн сүүлд хэзээ цусны дэлгэрэнгүй шинжилгээ өгснөө та санаж байна уу? Санахгүй байна гэж үү? Тэгвэл магадгүй танд маргааш өглөө лаборатори явах ажил гарах нь байна шүү. Эмэгтэйчүүд бид сар бүр уулздаг нэг найзынхаа ачаар цус багадалтанд маш өртөмтгий байдаг гэдгийг, цус багадалт хүндэрчихвэл тун олон сөрөг үр дагавар дагуулж болдог гэдгийг хэзээ ч бүү мартаарай. - Үтрээний наалдацын шинжилгээ ‘’Үтрээний ялгарал бол эмэгтэйчүүдийн эрүүл мэндийн толь юм’’ гээд өөрөө тодорхойлолт зохиогоод хэлчихвэл лав буруудна гэж би бодохгүй байна. Тийм учраас л эмэгтэй хүн бүр үтрээний ялгарал, түүний өнгө, үнэр, хэмжээ зэргийг ажигладаг, хянадаг, өөрчлөлт илэрсэн тохиолдолд анхаардаг, эмчид ханддаг, мазок-н шинжилгээ өгдөг, эмгэг илэрбэл цаг алдалгүй эмчилгээ хийдэг байх ёстой юм шүү дээ. Харин үтрээний наалдацын шинжилгээ өгөхийн өмнө шинжилгээний хариунд нөлөөлж болох зарим нэг зүйлсээс татгалзах шаардлагатай байдаг гэдгийг та нар минь хэр сайн мэдэх вэ?Хэрвээ мэддэггүй бол миний зүгээс бэлдсэн бяцхан ‘’шипи’’ - г хүлээн авна уу:- Шинжилгээ өгөхийн өмнө гадна бэлэг эрхтнийг сайтар угаасан байх - Сүүлийн 48 цагийн дотор үтрээний лаа хэрэглээгүй байх - Үтрээний дотуур угаалга, үнэр дарагч цацлага зэргээс татгалзах - Сүүлийн 48 цагийн дотор бэлгийн харьцаанд ороогүй байх - Сарын тэмдгийн үед шинжилгээ өгөхгүй байхДараагийн нийтлэл хүртэл түр баяртай, хүндэтгэсэн Cumlaude Lab Mongolia Team 💌
Өнөөдрийн бидний авч хэлэлцэх шинж тэмдгүүд бол өмнөх шинж тэмдгүүдээс дутуугүй чухалд тооцогдоно. Яагаад гэвэл бидний өдөр тутмын амьдралд нөлөөлөөд зогсохгүй, бэлгийн амьдрал бас сэтгэл зүйн эрүүл мэндийг хамарсан асуудлууд учраас тэр юм. - Үтрээний хуурайшилБид үтрээ яагаад хуурайшдаг талаар бүхэл бүтэн цуврал нийтлэл оруулж, энэ талаар аль хэдийн маш дэлгэрэнгүй ярилцчихсан тийм ээ? Тийм учраас нэг их олон юм нуршаад яахав дээ гэж бодлоо. Товчхондоо бол : Эстрогений хэмжээ багасна - үтрээний дотор байрладаг эд нимгэрнэ & үтрээний ялгарал багасна - үтрээ хуурайшина - үтрээ орчмоор загатнах, бэлгийн хавьтлын үед өвдөх, хорсох шинж тэмдэг илэрнэ. - Сэтгэл гутрал Цэвэршилтийн өмнөх үеэс ихэнх эмэгтэйчүүдийн сэтгэл санаа тогтворгүй болж эхэлдэг. Энэ нь ихэвчлэн сэтгэл гутрал болж даамжирдаг ба байнга, шалтгаангүй гуниглах, амархан уйлах, огцом уурлах, анхаарал төвлөрөхөө болих, өмнө нь дуртай байсан зүйлээ огт сонирхохоо болих, нойргүйдэлд өртөх, эсвэл хэт их унтах, бусдаас өөрийгөө тусгаарлах зэрэг шинж тэмдгүүдээр илэрч болно. Тиймээс эмэгтэй хүнийг энэ үед нь цор ганцааранг нь ямар ч дэмжлэггүйгээр бүү орхиорой. Цэвэршилт гэдэг нь хэдийгээр байгалийн жамаар явагддаг үйл явц ч гэлээ түүний шинж тэмдгүүд хүний амьдралыг тэр чигт нь аз жаргал, баяр баясгалан, гэрэл гэгээгээр дутмаг харанхуй, бүүдгэр зүйл болгоод хувиргачих чадалтай байдаг. Учир ийм тул шинж тэмдэг бүрт зориулсан тус тусын ‘’эмчилгээ’’, ‘’урьдчилан сэргийлэх’’ аргыг эрдэмтэн, судлаачид бий болгожээ. Энэ талаар хэдүүлээ дараагийн нийтлэлээрээ дэлгэрэнгүй ярилцъя. Цэвэршилтийн үед зөвлөгдөх бүтээгдэхүүний сонголтууд юу байх вэ?: https://cumlaudelab.zochil.shop/product-detail?category_id=168143&id=431005Ep4-р уулзтaлаа түр баяртай, хүндэтгэсэн Cumlaude Lab Mongolia Team 💌
Стресс гээч энэ зүйл зөвхөн үтрээг маань хуурайшуулаад ч зогсохгүй, эмэгтэйчүүдийн эрүүл мэндийг жинхэнэ сүйтгэдэг, бүх талаас нь дайрж давшлаад их олон сөрөг үр дагаварт хүргэдэг “хэрцгий” гэмээр зүйл байдаг талаар ярилцах болно. Тодруулбал, стресс их мэдэрдэг эмэгтэйн биед дараах өөрчлөлтүүд илэрч болдог: - Сарын тэмдгийн мөчлөг алдагдах (үргэлжлэх хугацаа өөрчлөгдөх, хэт их эсвэл хэт бага хэмжээтэй ирэх, сарын тэмдэг ирэхээ болих, өвдөлттэй ирдэг болох) - Сарын тэмдгийн өмнөх синдромын үед илэрдэг шинж тэмдгүүд улам хүчтэй бас хурц болох (нэг өдөр өвддөг байсан бол гурван өдөр өвдөх, нэг зүсэм торт идмээр санагддаг байсан бол нэмээд гурвыг идмээр санагдах)- Үр тогтоох чадвар сулрах (стресс -> эстрогений хэмжээ багасах -> савны хана нимгэрэх -> савны хананд үр тогтохгүй байх) - Бэлгийн дур хүсэл буурах (дахиад л эстрогентэй холбоотой) - Бэлгийн замын “архаг” өвчин ойр ойрхон сэдрэх (мөөгөнцөр, бактерийн вагиноз, бэлгийн уруулын хомхой зэргээр өмнө нь өвдөж байсан бол стрессийн үед сэдрэх эрсдэл эрс нэмэгдэнэ) - Цэвэршилтийн үед илэрдэг шинж тэмдгүүд илүү хүчтэй мэдрэгдэх (цэвэрших үеэр жам ёсоороо багасдаг эстроген стрессээс болж улам шавхагдахаар юу болохыг та төсөөлж байна уу ?) Тэгэхээр эрүүл байхын тулд, эрүүл эмэгтэй байхын тулд стрессээс ангижрах зөв менежменттэй болох нь хамгийн зөв алхам байх нь. :)) Бүгдээрэнд нь стрессгүй бас эрүүл өдрүүдийг хүсье. Cumlaudelab Mongolia Team 💌
